Afrikaans: Tydens die Middelsteentydperk in suidelike Afrika, het tegnologiese en gedrags-innovasies gelei tot aansienlike verandering in die lewenswyse van moderne mense. Die gletser-era van die Marine-isotoopstadium 4, sowat 57-71,000 jaar gelede, het koeler en droër klimaatstoestande ten gevolg gehad, asook gedyende grasvelde. Die seevlak het met soveel as 80m onder die huidige gedaal. In hierdie periode het die sg. Howiesonpoort-kultuurfase opgebloei in die oorgrote deel van suidelike Afrika, met 'n hoogtepunt sowat 60-65,000 jaar gelede, waarna dit verdwyn. Die litiese industrie van Howiesonpoort naby Grahamstad word benadruk deur verandering in tegnologie, soos die gebruik van die stamptegniek, 'n toename in die voorrang van fyngrynige silkreet, en die presedensie van herbewerkte stukke insluitend agter-afgeronde werktuie, segmente, skrapers en punte. Segmente is die tipe-fossiel van Howiesonpoort, verteenwoordig deur veeldoelige raamvorms, afgewerk tot punte vir houtspiese. Die standaardontwerp en verfynde segmentstyl bied insig tot die gedrag van hul vervaardigers en hul groepidentiteit. Toenemende okeraanwending, teenwoordigheid van gegraveerde volstruiseierdoppe, en 'n beenwerktuigindustrie word verbind met die beenartefakte. Ook is 'n meer intensiewe ruimtebenutting opvallend. Saam beskou, sou hierdie gedragsvorme aandui dat Howiesonpoort 'n duidelike baken vorm in die moderne menskultuur.